چەند پارێزگایەكی ئێران با و باران و هەرێمی كوردستانیش خۆڵبارین ڕووی تێدەكات

ئاڤا نیوز

 

کەشناسی ئێران ڕایگەیاند، 12 پارێزگا بەهۆی شەپۆڵێکی ناسەقامگیری کەشوهەواوە ڕووبەڕووی شه‌پۆلێكی به‌هێزی با و باران ده‌بنه‌وه‌.

ڕاگەیێنراوی فەرمی: کەشناسیی ئێران، رایگه‌یاند، لە پارێزگاکانی ورمێ، ئازەربایجانی ڕۆژهەڵات، ئەردەبیل، گوڵستان، مازەندەران، خۆراسانی باکوور، سێمنان، تاران، ئەلبورز و قەزوین، هورمزگان و سیستان و بەلوچستان، گۆڕانکاریی کتوپڕی کەشوهەوا پێشبینی دەکرێت.

زانیاریی زیاتر: کەشناسیی ئێران داوا لە خەڵکی ئەو 12 پارێزگایە دەکات، بۆ کاری پێویست نەبێت، لە ماڵەکانیان نەیەنە دەرەوە.

لە لایەکی دیکەوە: دیلان ڕەشاد، گوتەبێژی وەزارەتی گواستنەوەو گەیاندن بە ئاڤا نیوزی گوت: ئەو شه‌پۆلە بەهێزی باو باران ‌ ڕووبه‌ڕووی ئێران دەبێتەوە  هەرێمی کوردستان ناگرێتەوە.

گۆشەیەكی دیكە: بە گوتەی دارا حەسەن شارەزای بواری كەشناسی، لە هەرێمی كوردستان شەپۆلی وەرزيی دەستیپێکردووە و خۆڵبارینیشی لەگەڵدایە، تا كۆتایی هەفتەش پلەكانی گەرما بەبەرزی دەمێننەوە.