پاسێک لە ئەنقەرە دەبێت بە دوو کەرتەوە و نۆ کەس گیان لەدەست دەدەن

ئاڤا نیوز 

لە ڕووداوێکی هاتووچۆ لە ئەنقەرەی پایتەختی تورکیا، پاسێکی نەفەرهەرڵگر دەبێتە دوو کەرت و نۆ سەرنشین گیانیان لەدەست دا و 30 سەرنشینی دیکەش برینداربوون.

چیرۆکی سەرەکی: پاسەکە لەسەر ڕێگەی ئەنقەرە-ئێسکیشەهیری قەزای سینجان، خۆی کێشاوە بە ستوونی کۆنکرێتی پردێک و لە ئەنجامدا لە ناوەڕاستەوە بووەتە دوو کەرت، بەمەش گیانلەدەستدان و برینداربوونی سەرنشینەکانی لێکەوتەوە.

لێدوانی فەرمی: وەزارەتی تەندرووستیی تورکیا ڕایگەیاند: نۆ سەرنشین گیانیان لەدەست داوە، 30 کەسیش بریندار بوون کە هەشتیان تەندروستییان ناجێگیرە.

لە لایەكی دیكەوە: یەڵماز تونج، وەزیری دادی تورکیا ڕایگەیاند: لێکۆڵینەوە لە ڕووداوەکە دەستی پێ کردووە و کەسانی کەمتەرخەم سزا دەدرێن.