واشنتن داوای لێکۆڵینەوە لە گیانلەدەستدانی هیند ڕەجەب دەکات

ئاڤا نیوز

ماتیۆ میلەر، گوتەبێژی وەزارەتی دەرەوەی ئەمریکا داوا لە ئیسرائیل دەکات لێکۆڵینەوە لە گیانلەدەستدانی هیند ڕەجەب بکات.

چیرۆکی سەرەکی: هیند رەجەب، ئەو منداڵە تەمەن شەش ساڵانەیە، دوای 12 ڕۆژ مانەوەی لە نێو تانکەکانی ئیسرائیل و جەستەی 5 کەسی مردوو لە غەززە، بەهۆی ئەوەی کەس بەهانایەوە نەچوو گیانی لەدەستدا.

لێدوانی فەرمی: "چیرۆکیكی کارەستبار و دڵتەزێنە، بە هەزاران منداڵی دیکە لەم ململانێیەدا گیانیان لەدەستداوە، داوامان لە دەسەڵاتدارانی ئیسرائیل کردووە بەپەلە لێکۆڵینەوە لەم ڕووداوە بکەن”. ماتیۆ میلەر گوتەبێژی وەزارەتی دەرەوەی ئەمریکا وای گوت.

باکگراوند: هیند ڕەجەب لەگەڵ مام و ئامۆژن و سێ ئامۆزای مانگی ڕابردوو کەوتنە بەر هێرشی تانکەکانی ئیسرائیل، تاکە کەس کە ڕزگاربوو هیند بوو، ئەوکات تەلەفۆنی بۆ فریاگوزاری مانگی سووری فەڵەستینی کرد بۆ ئەوەی هاوکاریی بکەن، بەڵام کەس بەهایانەوە نەچوو.