وەزارەتی دارایی دوو هەفتە مۆڵەت بە خانەنشینان دەدات

بزنس
2024-08-26

شەیری بکە لە:

وەزارەتی دارایی دوو هەفتە مۆڵەت بە خانەنشینان دەدات

فەرمانبەرێک لەکاتی بایۆمەتریکردن، وێنە: ئەرشیف

ئاڤا نیوز

وەزارەتی دارایی و ئابووریی هەرێمی کوردستان لەبارەی مووچە داواکارییەک ئاراستەی خانەنشینان دەکات. جەختیش دەکاتەوە هەر کەسێک جێبەجێی نەکات مووچەکەی ڕادەگیرێت.

ڕاگەیێنراوی فەرمی: ئەمڕۆ دووشەممە وەزارەتی دارایی و ئابووری ڕاگەیێنراوێکی سێ خالی بڵاوکردەوە:

1- هەر خانەنشینێك بایۆمەتری نەكردووە، پێویستە لە ماوەی دوو هەفتەدا خۆی لە بایۆمەتری تۆمار بكات.

2- هەر خانەنشینێك بایۆمەتری كردووە و نەیگەڕاندووەتەوە، پێویستە لە ماوەی دوو هەفتەدا بایۆمەترییەكەی بگەڕێنێتەوە بۆ فەرمانگەی خانەنشینیی پەیوەندیدار.

3- هەر خانەنشینێك لە ماوەی دوو هەفتەدا بایۆمەتری نەكات و نەیگەڕێنێتەوە بۆ فەرمانگەی خانەنشینیی پەیوەندیدار، بەپێچەوانەوە مووچەكەی ڕادەگیرێت.

لەلایەکی دیکەوە: بەڕێوەبەرایەتیی خانەنشینی پێشمەرگەی سلێمانی ئاگاداری خانەنشینانی پێشمەرگە دەکات ئەوانەی خۆیان لە بایۆمەتری تۆمارنەکردووە، ئەوانەشی (وارس و وەسیی) شەهیدانن، پێویستە لە ماوەی 10 ڕۆژدا بایۆمەتری بکەن، بەپێچەوانەوە مووچەکەیان دەبڕێت.

ئەوەی پێویستە بیزانیت: لە هەرێمی کوردستان نزیکەی 230 هەزار خانەنشینی مەدەنی و سەربازی هەیە و داواکارییەکەی وەزارەتی دارایی سەرجەمیان دەگرێتەوە.