سەرچاوەیەک لە وەزارەتی دارایی: بەغدا مووچەی بە لێبڕینەوە ناردووە

ئاڤا نیوز

 

وەزارەتی دارایی و ئابووریی هەرێمی کوردستان لەبارەی ناردنی پارەکەی بەغدا و دابەشکردنی مووچە و لێبڕینی مووچە ڕوونکردنەوە دەدات و دەڵێت ئەو پارەیە بۆ خانەنشینی گێڕدراوەتەوە. 

 

لیدوانی فەرمی: سەرچاوەیەک لە وەزارەتی دارایی و ئابووری بە ئاڤا نیوزی گوت: پارەی مووچە بە لێبڕینەوە خراوەتە سەر هەژماری وەزارەتی دارایی، بەڵام نازانرێ لێبڕینەکە 7% یان 10%ـی مووچە بنەڕەتییەکانیانە.

 

هۆکارە زانراوەکان: بەغدا بۆ خانەنشینی پارەی لە مووچەخۆران بڕیوە، واتە پارەکە بۆ سندووقی خانەنشینییەوە دەگێڕێتەوە، بەپێی یاسای خانەنشینی عێراقیش بێت  10%ـی مووچە بنەڕەتییەکانیانی فەرمانبەران دەبڕێت.

 

زانیاریی زیاتر: وەزارەتی دارایی دوای تەواوکردنی ڕێکارەکانی وەرگرتنی پارە و ڕێکارە هونەرییەکانی پارەدارکردنی بانکەکان لە زووترین کات خشتەی مووچە ڕادەگەیەنێت و دەست بە دابەشکردنی دەکات.

 

ئەمەش بزانە: بەغدا 572 ملیار و 500 ملیۆن دیناری خستووەتە سەر هەژماری بانکی دارایی، بەشێکی بۆ مووچەی مانگی حەوتە و بەشەکەی دیکەی بۆ مانگی هەشتە.