بانکی ناوەندیی بەشداریی بانکە عێراقییەکان لە حەواڵەی دەرەكی ڕادەگەیێنێت

ئاڤا نیوز  

بانکی ناوەندیی عێراق لە نیویۆرک دەستپێکردنی قۆناغی نوێی کارەکانی حەواڵەی دەرەکی بە بەشداری 13 بانکی عێراقی ڕاگەیاند، لە هەنگاوێکدا بە ئامانجی هەمەچەشنکردنی دراو و ئاسانکاری بۆ کارەکانی حەواڵەی نێودەوڵەتی.

وێنە گەورەكە: شاندی بانکی ناوەندیی عێراق بە سەرۆکایەتی عەلی عەلاق، پارێزگاری بانکەکە لە ویلایەتە یەکگرتووەکانی ئەمریکا زنجیرەیەک کۆبوونەوەیان لە وەزارەتی گەنجینەی ئەمریکا و بانکی یەدەگی فیدراڵی و کۆمەڵێک کۆمپانیا و بانک ئەنجامدا.

ڕاگەیێنراوی فەرمی: بانکی ناوەندیی عێراق دەڵێت ئەم هەنگاوە دوای گەیشتنە بە ڕێککەوتن لەسەر میکانیزمەکانی ڕێکخستنی کارەکانی حەواڵەی دەرەکی کە خۆی دەبینێتەوە لە مامەڵەکردن بە دراوەکانی یۆرۆ و یوانی چینی و ڕوپیەی هیندی و درهەمی ئیماراتی.