سەرۆکوەزیران بارزانی: گفتوگۆکان لەگەڵ ئەنجوومەنی ئابووریی عێراق ئەرێنی بوون

ئاڤا نیوز

 

سەرۆکوەزیران بارزانی سەبارەت بە کۆبوونەوەکانی ئەنجومەنی وەزاریی عێراق ڕایگەیاند، گفتوگۆکان بە شێوەیەکی ڕاشکاوانە و ئەرێنی بەڕێوەچوون و ئەنجامەکانی لە بەرژەوەنديی هاووڵاتییەکانماندا دەبێت.

 

چیرۆکی سەرەکی: ڕۆژی دووشەممە 09-09-2024 سەرۆکوەزیران بارزانی پێشوازی لە ئەلینا ڕۆمانۆوسکی، باڵیۆزی ئەمریکا لە عێراق کرد، تەوەرێکی سەرەکيی کۆبوونەوەکە گفتوگۆکردن بوو لەبارەی ئامادەکارییەکانی هەڵبژاردنی داهاتووی پەرلەمانی کوردستان. 

 

ئەوەی پێوستە بیزانیت: سەرۆکوەزیران بارزانی جەختی کردەوە، پێویستە هەڵبژاردنی داهاتووی پەرلەمانی کوردستان لە کەشێکی ئارام و دادپەروەرانە و بەشێوەیەکی پاک و بێگەرد، لەژێر چاودێريی نێودەوڵەتی و دوور لە پێشێلکاری بکرێت. 

 

زانیاریی زیاتر: لە بەشێکی دیکەی کۆبوونەوەکەدا پەیوەندییەکانی هەرێمی کوردستان و حکومەتی فیدراڵ تاوتوێ کران، سەرۆکوەزیران بارزانی ئاماژەی بە کۆبوونەوەکانی ئەنجوومەنی وەزاریی عێراق بۆ کاروباری ئابووری لە هەولێر کرد، ئاماژەی بەوە دا گفتوگۆکان بە شێوەیەکی ڕاشکاوانە و ئەرێنی بەڕێوەچوون و ئەنجامەکانی لە بەرژەوەنديی هاووڵاتییاندا دەبێت.