کورتە فیلمێکی ئێرانی خەڵاتێکی نێودەوڵەتی بەدەست دەهێنێت

ئاڤا نیوز

 

کورتە فیلمی "جیهانی نا هاوتا" لە بیست و نۆیەمین فێستیڤاڵی فیلمی پۆرتۆبێلۆ لە ئینگلتەرا خەڵاتی باشترین کورتە فیلمی نێودەوڵەتی بەدەستهێنا.

 

چیرۆکی سەرەکی: لە مانگی ڕابردوودا فیلمی "جیهانی نا هاوتا" لە پانۆرامای بیستەمین خولی فێستیڤاڵی کورتە فیلمی بوداپێست 'BuSho' لە هەنگاریا نمایشکرا، ئەمەش بەنێوبانگترین فێستیڤاڵی کورتە فیلمە لەو وڵاتەدا، پاشان لە فێستیڤاڵی فیلمی پۆرتۆبێلۆی ئینگلتەرا بەشداریکرد و خەڵاتی باشترین کورتە فیلمی نێودەوڵەتی بەدەستهێنا.

 

ئەوەی پێویستە بیزانیت: جیهانی نا هاوتا، کورتە فیلمێکی ئێرانییە و لە نووسین و دەرهێنانی محەممەد یارغییە،  فیلمێکی کۆمەڵایەتییە باس لە ژیانی کچێکی تەمەن شەش ساڵان لەنێو کۆمەڵگەیەکی چینایەتیدا دەکات، زیاتر لە 30 ئەکتەر بەشدارییان تیادا کردووە.

 

زانیاریی زیاتر: مافی تایبەتی پەخشکردنی کورتە فیلمی "جیهانی نا هاوتا" لەلایەن کۆمپانیایی ئیتاڵی "ئەلفا فیلم" پارێزراوە.