نەتانیاهۆ؛ هیچ شوێنێک نییە لە ڕۆژهەڵاتی ناوەڕاست دەستمان پێی نەگات

ئاڤا نیوز

سەرۆکوەزیرانی ئیسرائیل دەڵێت کوژرانی حەسەن نەسروڵڵا هاوسەنگی هێز لە ناوچەکە دەگۆڕێت. هەڕەشەش دەکات و دەڵێت: هیچ شوێنێک نییە لە ئێران و ڕۆژهەڵاتی ناوەڕاست دەستمان پێی نەگات.

چیرۆکی سەرەکی: بنیامین نەتانیاهۆ، سەرۆکوەزیرانی ئیسرائیل، ئەمشەو لە ئەمریکاوە گەیشتەوە تەلئەڤیڤ و کۆنگرەیەکی ڕۆژنامەوانی لەبارەی دوایین پەرەسەندنەکانی هێرشکردنە سەر حیزبوڵڵای لوبنان و کوژرانی حەسەن نەسروڵڵا ڕێکخست.

 

لێدوانی فەرمی: نەتانیاهۆ ڕایگەیاند: "ڕۆژهەڵاتی ناوەڕاست ئەو مەیدانە بوو هێز و توانای ئسرائیلی پیشاندا، هێشتاش ئەرکەکانمان تەواو نەبوون". گوتیشی: ''کوشتنی حەسەن نەسروڵڵا هاوسەنگی هێز لە ناوچەکە دەگۆڕێت و مەرجێکی پێویست بوو بۆ گەیشتن بەو ئامانجانەی  داماننابوو''.  

 

لەلایەکی دیکەوە: سەرۆکوەزیرانی ئیسرائیل ئاماژەی  بەوە کرد، ئیسرائیل گەیشتووەتە "خاڵی وەرچەرخانێکی مێژوویی لە شەڕی دژی دوژمنەکانی".

 

ئەمەش بزانە: بنیامین نەتانیاهو لەکاتی وتاردان لە نەتەوەیەکگرتووەکان هەمان هەڕەشەی ئەمڕۆی کرد، بەڵام جیاوزتر بوو، لەکاتی قسەکانی نەخشەیەکی بەرزکردەوە و لە نەخشەکەدا وڵاتانی سووریا، عێراق و ئێران بە ڕەنگی ڕەش دیاریکرابوون و  لەسەر نەخشەکە نووسرابوو "نەفرەت".