سەرۆكوەزیرانی لوبنان: دوای ئاگربەست سوپا لە باشووری لوبنان بەهێز دەکەین

ئاڤا نیوز

 

سەرۆکوەزیرانی لوبنان ڕایدەگەیێنێت، ئامادەیە سوپای وڵاتەکەی لە باشووری لوبنان بەهێزتر بکات ئەگەر ئاگربەست لەنێوان حیزبوڵڵا و ئیسرائیل بکرێت.

 

لێدوانی فەرمی: نەجیب میکاتی، سەرۆكوەزیرانی لوبنان ڕاگەیاند:  کۆمەڵگەی نێودەوڵەتی سەرقاڵی "هەوڵی جددی" بووە بۆ  ئاگربەست، کە بە وتەی ئەو، گرووپە چەکدارەكە ( حیزبوڵڵا)  پێشتر قبوڵیان کردووە”.

 

زانیاریی بەدەستهاتوو: چوار هەزار و 500 سەربازی لوبنان لە باشووری ئەو وڵاتەن و حکومەتی لوبنان بەنیازە  ژمارەکە بگەیێنێتە حەوت بۆ 11 هەزار.

 

ئەمەش بزانە: دەوڵەت دەیەوێت سەرجەم هێزی خۆی بەسەر ناوچەكانی لوبناندا بسەپێنێت بە تایبەتی ناوچەكانی ژێر دەستی حیزبوڵڵا.

باكگراوند: نزیکەی دوو هەفتە لەمەوبەر ئیسرائیل ئۆپەراسیۆنی زەمینی سنوورداریان لە لوبنانی دراوسێ دەستپێکردووە، هەزاران کەس بریندار یاخوود کوژراون، هەروەها دەیان هەزار هاووڵاتیی لوبنانی ئاوارەی ناوخۆ  و دەرەوەی وڵاتەکەیان بوون.