وەزیری دەرەوەی ئۆکرانیا سەردانی تورکیا دەکات

ئاڤا نیوز 

 

ئەندری سیبیها، وەزیری دەرەوەی ئۆکراینا سەردانی تورکیا دەکات و بڕیارە ئەمرۆ لەگەڵ هاوتا تورکەکەی کۆببێتەوە.

 

وێنە گەورەکە: دوای ئەوەی ئەندری سیبیها وەک وەزیری دەرەوەی ئۆکراینا دەستنیشان کرا، بڕیارە ئەمرۆ یەکەم سەردانی بۆ تورکیا بێت.

 

لەلایەکی دیکەوە: سیبیها لە ساڵانی 2016 تا 2021 وەک باڵێوزی ئۆکراینا لە ئەنقەرە کاری کردووە، ئەم سەردانەشی لە کاتێکدایە ململانێی نێوان ڕووسیا و ئۆکراینا بەردەوامە، کیێڤیش دەیەوێت پیشتووانی وڵاتانی ڕۆژئاوا بەدەستبهێنێت. 

 

بۆچی گرنگە: تورکیا هەوڵی نێوەندگیری دەدات لە نێوان ڕووسیا و ئۆکراینا بۆ دەستبەرکردنی ئاشتی یەکجارەکی لە نێوان هەردوو وڵاتدا، لە دوای ساڵی 2011وە تورکیا پەیوەندییەکانی بە ئاستێکی بەرچاو بەرزکردووەتەوە بە تایبەت لە ڕێگەی پیشەسازی وزە و بەرگری.