مەکتەبی سیاسیی پارتی لەبارەی بڕیارەکەی دادگەی فیدراڵی کۆدەبێتەوە

ئاڤا نیوز

مەکتەبی سیاسیی پارتی دیموکراتی کوردستان، لەبارەی بڕیاری دادگەی فیدڕاڵی سەبارەت بە یاسای هەڵبژاردنی پەرلەمانی کوردستان کۆدەبێتەوە.

زانیاريی تایبەت: ئاڤا زانیویەتی، پێشنیوەڕۆی ڕۆژی پێنجشەممە 22-02-2024 لە پیرمام مەکتەبی سیاسیی پارتی دیموکراتی کوردستان کۆدەبێتەوە، بەمەبەستی ڕاگەیاندنی هەڵوێستی خۆیان سەبارەت بە بڕیارەکەی دادگەی فیدراڵی.  

ئەوەی پێویستە بیزانیت: دوای 11 جار دادبینی و دواخستن، ئەمڕۆ چوارشەممە دادگەی فیدراڵی عێراق بڕیاری دا هەڵبژاردنی هەرێمی کوردستان بازنەیی بێت و سەرجەم کورسیی کۆتاکانی هەڵوەشاندەوە، ژمارەی کورسییەکانی پەرلەمانی کوردستانی لە 111 کورسییەوە بۆ 100 کورسی کەمکردەوە.

ئەمەش بزانە: بڕیارەکەی دادگەی فیدراڵی سەبارەت بە یاسای هەڵبژاردنی پەرلەمانی کوردستان لەلایەن پێکهاتەکان بە “بڕیارێکی سیاسی” لە قەڵەم درا؛ بەڵام جەختیان کردەوە کە بەشداریی هەڵبژاردن دەکەن.