ئیسرائیل هەوڵی کوشتنی بەرپرسێکی باڵای ئێران دەدات

ئاڤا نیوز

 

لە بەردەوامی هێرشەکانی بۆ سەر ئامانجەکانی حیزبوڵڵا و هاوپەیمانەکانی ئێران، ئیسرائیل بۆردوومانی چەند گەڕەکێکی دیمەشقی پایتەختی سووریا دەکات.

 

زانیاریی بەدەستهاتوو: میدیای فەرمی سووریا ڕایگەیاند:  ڕۆژی پێنجشەممە، سوپای ئیسرائیل ناوچەی مەززەی دیمەشقی پایتەختی سووریا، کە باڵیۆزخانە و بارەگا و نووسینگەکانی نەتەوە یەکگرتووەکانی تێدایە کردە ئامانج.

 

لێدوانی فەرمی: ڕامی عەبدولڕەحمان، سەرۆکی ڕوانگەی سووری بۆ مافەکانی مرۆڤ ڕایگەیاند:  "لە هێرشەکەی ئیسرائیل بۆ سەر یەکەیەکی نیشتەجێبوون لە گەڕەکی مەززە و قودسییە لە ڕۆژئاوای دیمەشق 15 کەس کوژراون و 17 ی دیکەش برینداربوون''.

 

زانیاریی زیاتر: ئیسرائیل بە ئامانجی لاوازکردنی ژێرخانی سەربازی هاوپەیمانانی ئێران، چەند جارێکی تر ئەو ناوچەیەی بۆردوومان کردووە. 

 

لەلایەکی دیکەوە: بەگوێرەی ئەو زانیارییانەی کە لە میدیاکانی نزیک ئێران بڵاوکراتەوە، هێرشەکەی ئیسرائیل دوای ئەوە دێت کە عەلی لاریجانی، ڕاوێژکاری باڵای سەرۆککۆماری ئێران، لە کۆبوونەوەیەک دابووە لەگەڵ سەرۆکی ئەنجوومەنی باڵای ئاسایشی نیشتمانی سووریا.