سێ کەس بەتۆمەتی هێرشەکەی سەر ماڵی نەتانیاهۆ دەستگیر دەکرێن

ئاڤا نیوز

 

دوێنێ شەممە دوو بۆمبی ڕووناکی لە نزیک ماڵی بنیامین نەتانیاهۆ، سەرۆکوەزیرانی ئیسرائیل لە ناوچەی قەیسەرییەی تێلئەڤیڤ کەوتنە خوارەوە.

 

چی ڕوودەدات: ئەمڕۆ یەکشەممە پۆلیسی ئیسرئیل سێ کەسی بەتۆمەتی هێرشەکە دەستگیر کرد، بەڵام هیچ زانیارییەکی لەو بارەیەوە بڵاونەکردووەتەوە.

 

ڕاگەیێنراوی فەرمی: دەزگا ئەمنییەکانی ئیسرائیل ڕایانگەیاند: دوو بۆمبی ڕووناکی لەبەردەم ماڵی سەرۆکوەزیرانی ئیسرائیل کەوتنە خوارەوە، بەڵام هیچ یەک لە ئەندامانی خێزانەکەی لە ماڵ نەبوون.

 

زانیاریی زیاتر:  دادگەی ئەو وڵاتە بڕیاری قەدەغەکردنی بڵاوکردنەوەی وردەکارییەکانی لەبارەی ناسنامەی تۆمەتبارەکان داوە، بەمەبەستی دڵنیابوون لە زانیارییەکان.

 

باکگراوند: ئەم هێرشە دوای هێرشەکەی ڕۆژی 19-10-2024، دێت کە  ماڵی بنیامین نەتانیاهۆ لە قەیسەرییە بە درۆنێک لەلایەن حیزبوڵڵاوە کرایە ئامانج.