شێخ دارا: سبەی بارانبارین لە هەرێمی کوردستان دەست پێدەکات

ئاڤا نیوز

 

پێشبینی دەکرێت لە سبەی یەکشەممەوە شەپۆلێکی سەرما و بارانبارین هەرێمی کوردستان بگرێتەوە، شێخ دارا دەڵێت، باران بەبڕی جیاواز دەبارێت، تاوەکو کۆتایی هەفتە ئەگەری بەردەوامی هەیە و لە ناوەڕاستی مانگ زستانی سەخت دەست پێدەکات.

 

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا میدیا لە گەشتی هەواڵەکانی کاتژمێر 07:00 ڕایگەیاند: "بەهۆی کاریگەریی پاڵەپەستۆی جەمسەری باکوور، سبەی بارانبارین لە ناوچەکانی هەرێمی کوردستان بەبڕی جیاواز و لە شوێنی جیا جیا دەست پێدەکات".

 

بە وتەی شێخ دارا، سبەی پلەکانی گەرما لە 4 بۆ 8 پلە دەبن و تاوەکو کۆتایی هەفتە کەشەکە بەمشێوەیە بەردەوام دەبێت، جگە لە هەرێمی کوردستان بەشێک لە وڵاتانی دەورووبەریش دەگرێتەوە.