زیندانیانی گرتووخانەی سیدنایا ئازاد دەکرێن

ئاڤا نیوز

هێزەکانی ئۆپۆزیسیۆن دەستیان بەسەر بەندیخانەی سیدنایا لە نزیک دیمەشقی پایتەختی سووریا گرت و زیندانییەکانیان ئازاد کردن.

وێنە گەورەکە: ئەم گرتووخانە بە یەکێک لە ترسناکترین گرتووخانەکانی سووریا دادەنرا کە هەزاران لایەنگری ئۆپۆزیسیۆن و نەیاری ڕژێمی ئەسەدی تێدا زیندانی کرابوون و ئەشکەنجە دەدران و دەکوژران.

 

ڕاگەیێنراوی فەرمی: دەستەی تەحریرولشام ڕایگەیاند: زیندانییەکان ئازاد کراون و ئەمەش "کۆتایی چەرخی نادادپەروەییە". 

زانیاریی زیاتر: پێشتر نەتەوەیەکگرتووەکان زیندانەکەی بە "کوشتارگەی مرۆڤ" و "ئەو شوێنەی کە مردن هەمیشە ئامادەیە" وەسف کردبوو.

ئەوەی پێویستە بیزانیت: بە گوێرەی ڕاپۆرتێکی ڕێکخراوی لێبووردنی نێودەوڵەتی، ئەمنێستی ئینتەرناشناڵ، لە نێوان ساڵانی 2011 تا 2015 زیاتر لە 13 هەزار زیندانیی مەدەنی لەم بەندیخانەیە، بەبێ دادگاییکردن، کوژراون.