تەحریرولشام: هیچ سنوورێک بۆ جلوبەرگی ئافرەتان دانانێین

ئاڤا نیوز


گرووپە چەکدارەکانی سووریا بەسەرۆکایەتی دەستەی تەحریرولشام دڵنیایی دەدەن لەوەی ئەزموونی تووندڕەویی هیچ وڵاتێك دووبارە ناكەنەوە و بەهیچ جۆرێك لەبارەی جلوبەرگ و شێوەی دەركەوتنی ئافرەتان هیچ بڕیارێک ناسەپێنن.

 

وێنە گەورەكە: دوای وەرگرتنی دەسەڵاتی سووریا و ڕووخاندنی حکومەتی بەشار ئەسەد، ترسی ئەوە هەبوو هاوشێوەی هێزە تووندڕەوەكان دەستوەردان لە ئازادییە كەسییەكان و جلوبەرگ و شێوەی دەركەوتنی ئافرەتان بكەن، بەو پێیەی بەشێك لەو هێزانە لە لیستی تیرۆردان و لە ڕابردوودا هێزی ئیسلامیی تووندڕەو بوون.

ڕاگەیێنراوی فەرمی: گرووپەکان لە ڕاگەیێنراوێكدا جەخت دەکەنەوە، بە هەموو جۆرێك سەپاندنی جلوبەرگێكی دیاریكراو بۆ دەركەوتنی ئافرەتان قەدەغە دەكەن، بەهیچ جۆرێك لەبارەی شێوەی دەركەوتنی ئافرەتان هیچ پابەندییەك ناسەپێنن.


ئەمەش بزانە: محەممەد جۆڵانی سەرکردایەتی گرووپە چەکدارەکان دەکات کە لە لیستی تیرۆری ئەمریکا و بەریتانیادایە، بەڵام ئێستا ئەو وڵاتانە بیر لەوە دەکەنەوە لە لیستی تیرۆر دەریبهێنن، بەڵام جارێ چاوەڕێ دەکەن بزانن هەڵسوکەوت و بڕیارەکانی چۆن دەبن.