جۆلانی: لیستی ناوی ئەو کەسانە بڵاو دەکەینەوە کە دەستیان لە ئازاردانی خەڵکی بێتاوان هەبووە

ئاڤا نیوز 

 

محەممەد جۆلانی، سەرۆکی دەستەی تەحریرولشام، گوتی بە دوای ئەو کەسانەدا دەگەڕێن کە دەستیان لە ئازاردانی هاووڵاتییانی بێتاوان هەبووە. 

 

لێدوانی فەرمی: محەممەد جۆلانی، سەرۆکی دەستەی تەحریرولشام ڕایگەیاند، بەمزووانە دەسەڵاتی نوێی سووریا دەست بە کارەکانی دەکات، هاوکات باسیشی لەو ئەفسەر و بەرپرسانە كرد کە تاوانی جەنگییان ئەنجام داوە و گوتی: "ئێمە بە شوێنیاندا دەگەڕێین، لە هەرکوێیەک بن دەبێت بگەڕێنرێنەوە تا سزای خۆیان وەربگرن". سەبارەت بەوانەی کە لە سوپاشدا بوون و هیچ تاوانێکیان نییە، گوتی: "ئێمە بڕیارمان داوە كە بە لێبوردەییەوە لەگەڵیان بژین".

 

لەلایەکی دیکەوە: حکومەتی نوێی سووریا بەمزووانە خەڵات ڕادەگەنێت بۆ هەر کەسێک شوێنی ئەو بەرپرس و ئەفسەرە باڵایانە ئاشکرا بکات كە دەستیان هەبووە لە تاوانی جەنگ دژ بە خەڵکی سووریا. 

 

زانیاریی زیاتر: محەممەد جۆلانی ئێستا ناوی ڕاستەقینەی خۆی بە کار دەهێنێت کە ئەحمەد شەرعە.