ئەمریكا دوو مووشەكی حووسیەكانی لە دەریای سوور بەئامانج گرت

ئاڤا نیوز

 

دوو مووشەكی بالیستیک لە كەنارەكانی دەریای سوور کە ئامادەكرابوون بۆ هێرشكردنە سەر كەشتییەكان، لەلایەن ئەمریكاوە بە فڕۆكە هێرشیان کرایە سەر و لەناوبران. 

 

ڕاگەیێنراوی فەرمی: فەرماندەی ناوەندیی هێزەکانی ئەمریكا (سێنتکۆم) ڕایگەیاند، "ئەو مووشەكانەی بەئامانج گیراون، مووشەکی بالیستیکی "ئێرانی" بوون، بۆ هێرشكردنە سەر كەشتییەكانمان دانرابوون، لەناومان بردن".

 

لەلایەکی دیکەوە: دوای بەئامانجگرتنی ئەو دوو مووشەکە، حووسییەکان مووشەکێکی دژە کەشتیی لە جۆری (ASBM)ـیان لە یەمەنەوە بەرەو دەریای سوور هەڵدا، هیچ زیانێکی لێنکەوتەوە.

بەپێی ڕاگەیێنراوەکەی سێنتکۆم

 

باگراوند: لە دوای دەستپێکردنی شەڕی غەززەوە، حووسییەکان وەک "پشتیوانییەک بۆ غەززە" چەندین جار هێرشیان کردووەتە سەر كەشتییە بازرگانی و سەربازییەكانی ئەمریكا و بەریتانیا و ئەو وڵاتانەی كە پشتیوانی ئیسرائیل دەكەن لە دەریای سوور.