بزووتنەوەی حەماس سێ بارمتەی دیکە ئازاد دەکات

ئاڤا نیوز

گەڕی چوارەمی ئازادکردنی بارمتە ئیسرائیلییەکان جێ بەجێ دەکرێت و لەم گەڕەدا حەماس سێ بارمتەی دیکە ئازاد دەکات.

ڕاگەیێنراوی فەرمی: ئیسرائیل ڕایگەیاندووە هەر یەکە لە 'یاردێن بیباس و کەیس سەیگڵ کە هاوکات ڕەگەزنامەی ئەمریکیشیان هەیە لەگەڵ ئۆفەر کالدێرۆن کە هاوکات ڕەگەزنامەی فەڕەنسیشی هەیە، ئازاد دەکرێن. 

زانیاریی زیاتر: بە گوێرەی زانیارییەکان بارمتەکان بڕیارە ڕۆژی شەممە 1-2-2025 ئازاد بکرێن و لە بەرامبەریاندا ئیسرائیل 183 بەندکراوی فەلەستینی ئازاد دەکات.

ئەوەی پێویستە بیزانیت: بەردانی بارمتە ئیسرائیلییەکان بەشێکە لە ڕێککەوتنی ئاگربەستی غەززە بە هۆیەوە شەڕ دەوەستێت و ئاڵوگۆڕ بە بارمتە و دیلەکان دەکرێت و سوپای ئیسرائیل لە کەرتەکە دەکشێتەوە.