پڕۆژەیەک بۆ زیاتر سەوزکردنی هەولێر جێبەجێ دەکرێت

ئاڤا نیوز

بە ئامانجی زیادکردنی ڕێژەی سەوزای لە یەکتربڕی شەقامی نێوان هەولێر – شەقڵاوە – پیرمام پڕۆژەیەکی نوێ جێبەجێ دەکرێت. 

ڕاگەیێنراوی فەرمی: پارێزگای هەولێر ڕایدەگەیەنێت: کارکردن لە پڕۆژەی سەوزکردنی یەکتربڕی شەقامی هەولێر-شەقڵاوە، بۆ هەولێر- پیرمام بەردەوامە، ئامانج لێی زیادکردنی ڕێژەی سەوزاییە بۆ شاری هەولێر.

 

زانیاریی زیاتر: ڕووبەری پڕۆژەکە 50 هەزار مەترە و زیاتر لە هەزار و 407 دار و گوڵی تێدا دەچێنرێت، هەروەها چەندین خەزانی ئاو و چیمەن و سیستمی ئاودان و ڕووناککەرەوە لەخۆ دەگرێت.

 

زانیاریی بەدەستهاتوو: لەمساڵدا تەواوی کاری پڕۆژەکە تەواو دەبێت و بەڕووی هاووڵاتییان دەکرێتەوە. 

 

بۆچی گرنگە: کردنەوەی ئەمجۆرە پڕۆژانە کاریگەری دەبێت لەسەر زیادکردنی ڕێژەی سەوزای لە شاری هەولێر.