عێراق: مانەوەی هێزەکانی تورکیا پەیوەستە بە چەکدانانی پەکەکە

ئاڤا نیوز


ڕاوێژکاری ئاسایشی نیشتمانیی عێراق ڕایدەگەیێنێت، تورکیا ئاگاداری کردونەتەوە کە ئامادەیی تەواویان هەیە بۆ تاوتوێکردنی هەموو بابەتەکان ئەگەر پەکەکە هەڵبووەشێتەوە و لیژنەیەکی هاوبەشی باڵای ئەمنی لە نێوان هەردوو وڵاتدا هەیە بۆ گفتوگۆکردن لەسەر پرسی سنوور.

 

چیرۆکی سەرەکی: دوای ئەوەی عەبدوڵڵا ئۆجەلان، ڕێبەری زیندانیکراوی پەکەکە داوای چەکدانانی لە چەکدارانی پەکەکە کرد، پەرلەمانی عێراق هەوڵی میوانداریکردنی بەرپرسانی حکومەت دەدات بۆ کۆتایی هێنان بە بوونی سەربازی تورکیا لە ناوخۆی عێراق.

 

لێدوانی ڕۆژنامەوانی: قاسم ئەعرەجی، راوێژکاری ئاسایشی نیشتمانیی عێراق لە دیدارێکی تەلەڤزیۆنیدا ڕایگەیاند: نزیکەی 100 بنکەی تورکیا لە باکووری عێراق هەن، کە بەسەر پارێزگاکانی کوردستاندا دابەشبوون، جگە لە بنکەیەک کە دەکەوێتە بەعشیقە لە پارێزگای نەینەوا.

 

- کشانەوەی هێزەکانی تورکیا پەیوەستە بە چوونە دەرەوەی پارتی کرێکارانی کوردستان 'پەکەکە' لە عێراق.

- هیچ بڕیارێکی فەرمیی بۆ ڕێگەدان بە بوونی هێزەکانی تورکیا لە عێراق لەلایەن حکومەت نییە.

- بوونی پارتی کرێکارانی کوردستان لە عێراق نایاساییە.

- داوا لە پەکەکە دەکەم لەسەر بڕیاری ڕێبەرەکەیان چەک دابنێن.

- دانانی چەک لەلایەن پەکەکەوە دەبێتە هەنگاوێکی بنەڕەتی بۆ دەرکردنی تەواوەتی هێزەکانی تورکیا لە عێراق.

ئەوەی پێویستە بیزانیت: بەهۆی بوونی چەکدارانی پەکەکە لەنێو خاکی عێراق، تورکیا لە ماوەی چەندین ساڵی ڕابردوودا، دەیان ئۆپەراسیۆنی سەربازی و سەدان هێرشی ئاسمانی بۆ سەر پێگەی ئەو چەکدارانە ئەنجامداوە.