داخستنی کەمپی ئاوارەکانی شنگال دوادەخرێت

ئاڤا نیوز

 

دوای سەردانەکەی سوودانی بۆ شنگال و بینینی دۆخی قەزاکە، چاوەڕوان دەکرێت داخستنی کەمپی ئاوارەکانی شنگال لە هەرێمی کوردستان دوابخرێت.

 

لێدوانی فەرمی: شێروان دووبەردانی، ئەندامی ئەنجوومەنی نوێنەرانی عێراق بە ئاڤا نیوزی ڕاگەیاند: " محەممەد شیاع سوودانی، سەرۆکوەزیرانی عێراق  لە سەردانەکەیدا بۆ شنگال، دۆخی قەزاکەی بینیوە و پێیوابووە ناکرێت بەبێ سەقامگیری ئاوارەکان بگەڕێنەوە".

 

زانیاریی تایبەت: ئەگەر ئاوارەکانی شنگال بگەڕێنەوە بۆ شوێنی خۆیان، دەبێت بچنەوە نێو کەمپ، چونکە بەشێکی زۆری خانووی ئەو ئاوارانە وێرانن؛ لە هەرێمی کوردستان 148 هەزار قوتابی ئاوارەی شنگال دەخوێنن و ناتوانن وازی لێبهێنن، بۆیە پێشبینی دەکرێت ىڕیاری داخستنی کەمپەکان بۆ ساڵی داهاتوو دوابخرێت. 

 

ئەوەی پێویستە بیزانیت: لە هەرێمی کوردستان 24 کەمپی ئاوارەکان هەن، نزیکەی 35 بۆ 37 هەزار خێزان لە کەمپەکاندا دەژین؛ حکومەتی عێراقیش بڕیاری داوە تاوەکو 30 تەممووزی ئەمساڵ، سەرجەم کەمپەکان لە هەرێمی کوردستان دابخرێن.