ئەردۆغان: ڕێگەنادەین تاڵانچییەکان کێشەی خۆیان بکەنە کێشەی میللەت

 

ئاڤا نیوز

رەجەب تەیب ئەردۆغان، سەرۆککۆماری تورکیا ڕایگەیاند، رێگە نادەن مشتێک تاڵانچی ناو جەهەپە کێشەکانی خۆیان بکەنە پرسی میللەت و لە پاش ڕزگاربوونی وڵاتەکەیان و ناوچەکە لە بەڵای تیرۆر لە دەرگای سەردەمێکی زۆر جیاواز دەدەن.

چیرۆکی سەرەکی: بە بەشداری نەتەوە جیاوازەکانی تورکیا یادی نەورۆز لە شاری ئەستەنبووڵ بە بەشداری رەجەب تەیب ئەردۆغان سەرککۆماری تورکیا و بەرپرسانی باڵای ئەو وڵاتە بەڕێوەچوو.

لێدوانی فەرمی: سەرۆککۆماری تورکیا لە ئاهەنگی نەورۆز لە ئەستەنبووڵ ڕایگەیاند:

٠ ڕێگە نادەین مشتێک تاڵانچی ناو جەهەپە کێشەکانی خۆیان بکەنە پرسی میللەت.

٠ ئەگەر دەتوانن بەرگری لەو هەموو دزی و گەندەڵییە بکەن کە لە شارەوانییەکان دەدرێن، بڕۆنە بەردەم میللەت و بۆیان ڕوونبکەنەوە.

٠ سوپاس بۆ خوا لە هەوڵە فرە ڕەهەندەکانماندا بە ئامانجی تورکیایەکی بێ تیرۆر بە ئاسانی هەندێک بەربەستمان تێپەڕاندووە.

٠ پشتیوان بە خودا لە پاش ڕزگاربوونی وڵات و ناوچەکەمان لە بەڵای تیرۆر، لە دەرگای سەردەمێکی زۆر جیاواز دەدەین.

٠ 21ـی ئازار، نەورۆز، دەبێتە ڕۆژی ئاهەنگ و یادی هاوبەشی جیهانی تورک، بەمەیش خزمەت بە یەکێتیی، پێکەوەیی و هاودەنگییمان دەکات، و نەورۆز جەژنی هەموو نەتەوەکانمانە بە عەلەوی، سووننە، تورک و کوردەوە، جەژنی هەموو جوگرافیاکەمانە، نەک جەژنی گرووپێکی نەتەوەیی دیاریکراو.

٠ پشتیوان بە خودا ئەوانەی بەلای خۆیانەوە نەخشەی نوێ دەکێشن، ناتوانن بە ئامانجە پیس و فێڵاوییەکانیان بگەن و هەرگیز ڕێگە بەو  چەتە کۆمەڵکوژانە نادەین کە ڕۆژ بە ڕۆژ خراپتر و بێباکتر دەبن ناوچەکەمان بکاتە دەریای خوێن.