دەم پارتی: دەستگیرکردنی ئیمامئۆغلو پەڵەیەکی ڕەشی مێژوویی دیموکراسییە لە تورکیا

 

ئاڤا نیوز

دەم پارتی سەرکۆنەی دەستگیرکردنی ئەکرەم ئیمامئۆغلو، سەرۆکی گەورە شارەوانی ئیستەنبووڵ دەکات و بە پەڵەیەکی ڕەشی مێژوویی دیموکراسی تورکیا ناوی دەبات.

چیرۆکی سەرەکی: هەریەک لە تونجەر بەکرهان و تولای هاتیئۆغلولەری، هاوسەرۆکانی دەم پارتی، بڕیاری دادگای ئیستەنبووڵ بۆ دەستگیرکردنی ئەکرەم ئیمامئۆغلو، سەرۆکی گەورە شارەوانی ئیستەنبووڵ سەرکۆنە دەکەن و دەڵێن، زیانێکی گەورە بە ئەزموونی دیموکراسی تورکیا دەگەیێنێت.

بڵاوکراوەی فەرمی: تونجەر بەکرهان، هاوسەرۆکی دەم پارتی لە تۆڕی کۆمەڵایەتی ئێکس ڕایگەیاندووە: "ئەم بڕیارە گرژییەکانی رۆژەڤی تورکیا زیاتر دەکات و زیانێکی گەورە بە ئاشتەوایی تورکیا دەگەیێنێت، کودەتایە دژی ئیرادەی 16 ملیۆن کەس و زیاتر گرژی سیاسی و ئابووری و کۆمەڵایەتی تورکیای لێ دەکەوێتەوە".

من بە تووندترین شێوە ئیدانەی ئەم کارە نایاساییە دەکەم کە مافی دەنگدان و هەڵبژاردنی خەڵکی ئیستەنبووڵ پشتگوێ دەخات و دەسەڵاتی دادوەری دەکاتە ئامرازێکی دەستێوەردانی سیاسی.

لە لایەکی دیکەوە: هاتیمئۆغلولەری، هاوسەرۆکی دەم پارتی دەڵێت، "دەستگیرکردنی ئیمامئۆغلو و هاوڕێکانی بە ڕێنمایی دەسەڵات، کودەتایە بەسەر دیموکراسی و دادگای تورکیا، لە ئێستاوە پەڵەیەکی ڕەشی لە مێژووی دیموکراسی تورکیا دروست کرد".

ئەوەی پێویستە بیزانیت: بە بڕیاری دادگای ئیستەنبووڵ، ئەکرەم ئیمامئۆغلو، سەرۆکی گەورە شارەوانی ئیستەنبووڵ بە تۆمەتی" گەندەڵیکردن" لەگەڵ 20 ئەندامی دیکەی سەر بە جەهەپە بڕیاری دەستگیرکردنیان بۆ دەرچوو.