لە ڕۆژئاوای کوردستان دەستبەسەر نزیکەی سێ ملیۆن حەبی کەپتاگۆندا دەگیرێت

 

ئاڤا نیوز

ئاسایشی ڕۆژئاوای کوردستان ئاشکرای کرد، دەستیان بەسەر دوو ملیۆن و 765 هەزار دەنک حەبی کەپتاگۆندا گرتووە کە لە دەرەوە بە قاچاخ هێنراون.

ڕاگەیێنراوی فەرمی: بەڕێوەبەرایەتیی ئاسایشی ئیدارەی خۆسەری ڕۆژئاوای کوردستان لە ڕاگەیێنراوێکدا دەڵێت: لە ناوچەی جەزیرە دەستبەسەر دوو ملیۆن و 765 هەزار حەبی کەپتاگۆندا گیراوە کە هەوڵدراوە بۆ شاری قامیشلۆ بگوازرێتەوە .

زانیاریی زیاتر: ئەو ماددە هۆشبەرانە لە وڵاتێكی دراوسێوە هێنراوەتە ناوخۆی سووریا بەمەبەستی بازرگانیکردن، دوو تۆمەتباریش دەستیگیرکراون کە بە ئەندامی سەرەکی تۆڕێکی بازرگانیکردن بە ماددە هۆشبەرەکان دادەنرێت لە جەزیرە.

ئەوەی پێویستە بیزانیت: لە هەفتەی ڕابردوودا، ئاسایشی حەلەب لە ئۆپەراسیۆنێکدا دەستی بەسەر نزیکەی سێ ملیۆن حەبی هۆشبەردا گرت.

ئەمەش بزانە: لە سەردەمی دەسەڵاتی بەشار ئەسەد، سووریا ببوو بە ناوەندی بەرهەمهێنانی ماددە هۆشبەرەکان بە تایبەتی حەبی کەپتاگۆن و لەوێوە ڕەوانەی وڵاتانی ناوچەکە دەکرا.