وەزارەتی کشتوکاڵی عێراق ماوی قەدەغەکردنی ڕاوەماسی دیاری دەکات

ئاڤا نیوز

 

وەزارەتی کشتوکاڵی عێراق ماوەی قەدەغەکردنی ڕاوە ماسی و ناوچە قەدەغەکراوەکان ئاشکرا دەکات و دووپاتی دەکاتەوە هەر کەسێک سەرپێچی بڕیارەکە بکات، ڕێکاری یاسایی بەرامبەر دەگیرێتەبەر.

 

وێنە گەورەکە: لە چوارچێوەی پاراستنی سامانی ماسی، ساڵانە ماوەیەک بۆ قەدەغەکردنی ڕاوکردنی ماسی دادەنرێت، کە لەو ماوەیەدا ماسییەکان دەست بە زاوزێ و دانانی گەرا دەکەن.

 

لێدوانی فەرمی: مەهدی سەهر جبووری، بریکاری وەزارەتی کشتوکاڵی عێراق بە ئاژانسی هەواڵی عێراقی ڕاگەیاند: بەڕێوەبەرایەتیی سامانە ئاژەڵییەکان لە وەزارەتی کشتوکاڵ بڕیاری دا بە قەدەغەکردنی ڕاوکردنی ماسی لە سەرجەم ڕووبەڕە ئاوەکانی "هۆرەکان، دەریاچە و ڕووبارەکان".

 

شێوازی جێبەجێکردن: بڕیارەکە لە 15ـی شوباتەوە دەستیپێکردووە و تا 15ـی نیسان لە پارێزگاکانی باشوور بەردەوام دەبێت، تا 1ـی ئایار لە ناوچەکانی ناوەڕاست و تا 1ـی تەمموز لە ناوچەکانی کەرکووک و نەینەوا بەردەوام دەبێت.

 

لەلایەکی دیکەوە: بەگوتەی بریکارەکەی وەزارەتی کشتوکاڵ، هەر کەسێک سەرپێچی بڕیارەکە بکات، بە هەماهەنگی لەگەڵ وەزارەتی ناوخۆ و پۆلیسی ژینگە، ڕێکاری یاسایی بەرامبەر دەگیرێتەبەر.

 

ئەوەی پێویستە بیزانیت: وەرزی قەدەغەی ڕاوەماسی لە هەرێمی کوردستان 2025-03-10، چووەتە بواری جێبەجێکردن و تا 2025-06-20، بەردەوام دەبێت.