پارەی مووچەی مانگی چوار خرایە سەر هەژماری هەرێمی کوردستان

بزنس
13 ئایار

شەیری بکە لە:

پارەی مووچەی مانگی چوار خرایە سەر هەژماری هەرێمی کوردستان

لیستی مووچە و لۆگۆی حکومەتی هەرێمی کوردستان و عێراق

ئاڤا نیوز

بانکی ناوەندیی عێراق بڕی 959 ملیار دیناری بۆ مووچەی مانگی چواری مووچەخۆرانی هەرێمی کوردستان خستە سەر هەژماری وەزارەتی دارایی و ئابووریی کوردستان.

ڕاگەیێنراویی فەرمی: وەزارەتی دارایی و ئابووریی هەرێمی کوردستان ڕایگەیاند، ئەمڕۆ سێشەممە بڕی 959 ملیار و 514 ملیۆن دینار وەک شایستەی دارایی مانگی چواری مووچەخۆرانی هەرێمی کوردستان خراوەتە سەر هەژمارەکەیان لە لقی هەولێری بانکی ناوەندی.

زانیاریی تایبەت: هەر ئەمڕۆ سێشەممە خشتەی دابەشکردنی مووچە بڵاو دەکرێتەوە، خشتەی مووچە هاوشێوەی مانگی ڕابردوو دەبێت و تەنیا چەند گۆڕانکارییەکی بچووکی تێدا دەکرێت.

٠ سبەی چوارشەممە 14ی مانگ دەست بە دابەشکردنی مووچە دەکرێت و لە ماوەی سێ بۆ چوار ڕۆژدا سەرجەم مووچەخۆران مووچە وەردەگرن.

٠ هەر ئەمڕۆ پارە بۆ بانکەکانی بەشدار لە هەژماری من دەنێردرێت، ئەم مانگە زیاتر لە 400 هەزار مووچەخۆر لەڕێگەی هەژماری من مووچە وەردەگرن، تیمی هەژماری منیش هاوشێوەی وەزارەتی دارایی خشتەی دابەشکردنی مووچە بڵاو دەکاتەوە.

٠ دابەشکردنی مووچە لەرێگەی هەژماری منیشەوە چەند ڕۆژێک دەخایەنێت، بۆ ئەوەی قەرەباڵغی لەسەر ئەی تی ئێمەکان دروست نەبێت بۆیە بە یەک جار پارە ناخرێتە سەر هەژماری سەرجەم وەزارەتەکان.

ئەوەی پێویستە بیزانیت: سەرەڕای ڕێککەوتنی هەولێر و بەغدا لە سەرەتای ئەمساڵەوە لەبارەی مووچە، کە نابێت مووچە بە هیچ هۆکار و پاساوێک دوابکەوێت و پارەی هیچ مانگێک نەکەوێتە مانگی دواتر، بەڵام مانگی چوار حکومەتی عێراق بە ڕێککەوتنەکە پابەند نەبوو، دوای تێپەڕبوونی 45 ڕۆژ بەسەر دابەشکردنی مووچەی مانگی سێ ئەمڕۆ پارەی مووچەی مانگی چواری نارد.