لە هەولێر چوار پارکی گەورە لەسەر ڕووبەری 200 دۆنم زەوی دروست دەکرێن

ئاڤا نیوز

لە هەولێر چوار پارکی گەورە لەسەر ڕووبەری 200 دۆنم زەوی دروست دەکرێن کە 40 هەزار دار و درەختیان تێدا دەچێنرێت.

چیرۆکی سەرەکی: لە هەولێر چوار پارکی دیکەی گەورە دروست دەکرێن و ئێستا کاریان تێدا دەکرێت، بڕیارە کۆتایی ئەمساڵ تەواو بکرێن پارکەکان تەواو دەکرێن.

زانیاریی پەیامنێر: نەجات هەرکی، پەیامنێری ئاڤا دەڵێت: لەم چوار پارکەیەدا 40 هەزار دار و درەخت دەچێنرێت، ئەمەش کاریگەری گەورەی لەسەر ژینگە و ئاو و هەوای هەولێر دەبێت. هەروەها ڕێژەی سەوزایی ناو شار زۆر دەبێت و کەشوهەوای هەولێر فێنک دەبێت و تەپوتۆزیش کەم دەکاتەوە، سەرەڕای ئەوانەش ئۆکسجینێکی زۆر بەرهەم دەهێنێت.

ئەوەی پێویستە بیزانیت: پارکەکان لەسەر ڕووبەری 200 دۆنم زەوی دروست دەکرێن. یەکێک لە پارکەکان ناوی ئاڵای کوردستانە و دەکەوێتە سەر ڕێگای هەولێر بۆ موسڵ. یەکێکی دیکەش لە جێگەی گوندی ڕەشگین دروست دەکرێت و زۆر گەورەیە، پارکەکە دەکەوێتە پشت فڕۆکەخانە لە بەرامبەر ئیمپایەرە.پارکێکی دیکە دەکەوێتە گەڕەکی ژیان، ئەوەی چوارەمیش دەکەوێتە سەر ڕێگای هەولێر بۆ پیرمام.

زانیاریی زیاتر: لەعێراقدا هیچ شارێک بەقەد هەولێر پارکی تێدا نییە. 26 پارکی گەورەی تێدایە لەگەڵ 204 باخچەی بچووک، 209 دارستان و 163 دورگەی ناوەند و 109 نافوورە هەیە.