ئاڤا هۆکاری نەناردنی پارەی مووچە ئاشکرا دەکات

ئاڤا نیوز

وەزارەتی دارایی و ئابووریی حکومەتی هەرێمی کوردستان ڕایگەیاند، تاوەکو ئەم ساتە تەمویلی مووچە لەلایەن وەزارەتی دارایی عێراقەوە نەکراوە، هۆکارەکەشی ئاشکرا دەکات.

زانیاریی تایبەت: سەرچاوەیەکی باڵا لە وەزارەتی دارایی و ئابووریی حکومەتی هەرێمی کوردستان بە ئاڤا میدیای ڕاگەیاند: تا ئەم ساتە تەمویلی مووچە نەکراوە، لەگەڵ وەزارەتی دارایی عێراق قسەمان کرد و وتیان سیستمی بانکیمان ڕاگیراوە، بەو سیستمە تەمویلی مووچە دەکرێت.

- هەموو ڕێکارەکان لە وەزارەتی دارایی و ئابووریی حکومەتی هەرێمی کوردستان تەواو کراوە، وەک ئامادەکردنی نووسراوی تەمویل بۆ بانکەکان و گواستنەوەی پارە بۆ ATMەکان.

- خشتەی مووچە ئەمجارە بەو جۆرە دەبێت کە لە ماوەی دوو ڕۆژدا مووچە دابەش بکرێت، واتە گۆڕانکاری لە ڕۆژەکاندا دەکرێت.

- ئێستا لە عێراق پرۆسەی دابەشکردنی مووچەیە و تاوەکو 30 مانگ پرۆسەکەیان بەردەوام دەبێت، بۆیە ئەگەر لەم دوو ڕۆژەدا تەمویلی مووچە نەکەن، ئەوا تا دابەشکردنی مووچەی خۆیان تەواو نەبێت تەمویلی مووچەی هەرێم ناکەن.

لەلایەکی دیکەوە: سەرچاوەیەكیش لە لقی هەولێری بانكی ناوەندیی عێراقی بە ئاڤای ڕاگەیاند، پارەی پێویست لەبەردەستە و كە پارەكە خرایە سەر هەژماری وەزارەتی دارایی هەرێمی كوردستان، بەشێكی دەگواسترێتەوە بۆ بانكی منارە لە هەولێر و بەشێكی دیكەیشی دەگواسترێتەوە بانكی ئاشتی لە سلێمانی، هاوكات بەشێكی دیكەیشی دەمێنێتەوە تایبەتە بە ئەو مووچەخۆرانەی كە لەڕێگەی هەژماری منەوە مووچە وەردەگرن.