ڕەوتی سەدر ڕەتی دەکاتەوە داوای هەڵبژاردنی پێشوەختی کردبێت

ئاڤا نیوز

سەرکردەیەکی ڕەوتی سەدر ڕەتی دەکاتەوە لەگەڵ نووری مالیکی، سەرۆکی هاوپەیمانیی دەوڵەتی یاسا لە پەیوەندیدا بن بۆ گفتوگۆکردن لەبارەی بابەتی هەڵبژاردنی پێشوەخت.

لێدوانی فەرمی: ئەو سەرکردەیەی ڕەوتی سەدر کە ناوی نەهێنراوە بە ڕۆژنامەی مەدای ڕاگەیاندووە، ڕەوتەکەیان داوای هەڵبژاردنی پێشوەختی نەکردووە لەبەرئەوەی کات کەمە، بڕیاری بەشداریکردنیش لە هەڵبژاردنی داهاتوو بۆ موقتەدا سەدر جێهێڵراوە .

ئەوەی پێویستە بیزانیت: چەند ڕۆژێک پێش ئێستا نووری مالیکی، سەرۆکی هاوپەیمانی دەوڵەتی یاسا ڕایگەیاند،  زانیاری هەیە ڕەوتی سەدر نیازی هەیە بەشداری لە هەڵبژاردنی داهاتوو بکات. زانیاری ئەوەش بڵاوبوویەوە، لێکتێگەیشتن لە نێوان مالیکی و سەدر هەیە بۆ هەمواری یاسای هەڵبژاردن و ئەنجامدانی هەڵبژاردنی پێشوەخت.