فەرماندەیەکی باڵای سوپای پاسداران لە هێرشەکەی دیمەشق کوژرا

ئاڤا نیوز

 

محەممەد ڕەزا زاهیدی تەمەن 79 ساڵ، كە ئێوارەی ئەمڕۆ لە بۆردوومانی ئیسرائیل لە دیمەشق کوژرا بە یەکێک لە فەرماندە باڵاکانی سوپای پاسدارانی ئێران دادەنرێت.

وێنە گەورەکە: فڕۆکەکانی ئیسرائیل باڵیۆزخانەی ئێرانیان لە سوریا بۆردوومانکرد و محەممەد ڕەزا زاهیدی یەکێک لە سەرکردەکانی فەیلەقی قودسی سوپای پاسداران لە هێرشەکەدا کوژرا.

ڕاگەیێنروای فەرمی: ڕادیۆی سوپای ئیسرائیل ڕایگەیاند: "محەممەد ڕەزا زاهیدی نەک هەر کەسایەتیەکی باڵای سەربازی ئێرانە، بەڵکو پیاوێکی دێرینی ئێرانە".

ئەوەی پێویستە بیزانیت: زاهیدی لە ساڵانی هەشتاکانی سەدەی ڕابردوودا فەرماندەیی هێزەکانی سوپای پاسدارانی لە شەڕی ئێران و عێراقدا کردووە، فەرماندەی هێزی زەمینی و فەرماندەی هێزی ئاسمانی سوپای پاسداران بووە، هەروەها زنجیرەیەک پۆستی باڵای لە ئەرکانی گشتیی ئێراندا هەبووە.

باکگراوند: زاهیدی لە ساڵی 2015 تا 2018 وەک جێگری سەرۆکی ئۆپەراسیۆنەکانی سوپای پاسداران کاری کردووە.