ئێران ڕووسیای لە هێرشەکەی داعش بۆ سەر مۆسکۆ ئاگادار کردبووەوە

ئاڤا نیوز

 

ئێران، بەر لە هێرشەکەی داعش بۆ سەر هۆڵێکی کۆنسێرتی مۆسکۆ، ڕووسیای لە ئەگەری "هێرشی تیرۆریستی" ئاگادار کردبووەوە. 

 

زانیاریی بەدەستهاتوو: ئێران ڕۆژێک بەر لە هێرشەکە، ڕووسیای لە ڕوودانی هێرش لەناو خاکی وڵاتەکەیدا ئاگادار کردووەتەوە. ئێران ئەو زانیارییانەی لە ڕێگەی لێکۆڵینەوە لە دەستگیرکراوەکانی گومانلێکراو بە تێوەگلان لە هێرشەکانی سەر کرمان بە دەستخستووە. بەگوێرەی ڕاپۆرتێکی ئاژانسی ڕۆیتەرز

 

زانیاریی زیاتر: پێشتر ئەمریکاش ڕایگەیاند کە بەر لە هێرشەکەی سەر مۆسکۆ ڕووسیای لە ئەگەری هێرشی تیرۆریستی ئاگادار کردووەتەوە. 

 

باکگراوند: ڕۆژی 22-03-2024، هێرشێکی چەکداری کرایە سەر هۆڵی کۆنسێرتی کرۆکوس لە مۆسکۆی پایتەختی ڕووسیا و بەهۆیەوە لانیکەم 144 کەس کوژران، چەکدارانی داعشی بەرپرسیارێتیی خۆیان لە هێرشەکە ڕاگەیاند.