لە ئێوارەخوانێکی بەربانگکردنەوەی کۆشکی سەرۆکایەتیی عێراق کێشە دروست دەبێت

ئاڤا نیوز

 

پەرلەمانتارێکی عێراق بەشداری لە ئێوارەخوانێکی کۆشکی سەرۆکایەتیی کۆمار نەکرد، چونکە فەرمانبەرێکی کۆشکەکە داوای دانانی مۆبایلی لە میوانەکان کردووە.

 

چیرۆکی سەرەکی: لە سەرۆکایەتیی کۆماری عێراق، ئێوارەخوانێکی بەربانگکردنەوە بۆ پەرلەمانتار و سەرۆکی فراکسیۆنەکانی پەرلەمان ڕێکخرا، بەهۆی مامەڵەی فەرمانبەرێکی دەروازەی کۆشکەکە، هەندێک لە پەرلەمانتاران نیگەران بوونە و بەشدارییان نەکرد.

 

لێدوانی فەرمی: عەلی ساعدی، پەرلەمانتاری هاوپەیمانیی ئەساسی عێراق لە تۆڕی کۆمەڵایەتیی “ئێکس” نووسیویەتی: “دوای گەیشتنمان بە کۆشکی کۆماری، فەرمانبەری دەروازەی کۆشکەکە داوای کرد مۆبایلەکانمان ڕادەست بکەین، بەڵام من ئەوەم رەتکردەوە و نەچوومە ژوورەوە”.

 

ئەوەش بزانە: ئەو پەرلەمانتارە نیگەرانە لەو هەڵسوکەوتە و ئاماژەی بەوە کردووە، ئەوان متمانەیان بە سەرۆککۆمار داوە بۆ وەرگرتنی ئەو پۆستە، ئەگەرچی تاوەکو ئیستا هیچ شتێکی پێشکەش نەکردووە جێگەی باس بێت.

 

زانیاریی زیاتر: بەپێی قسەی ئەو پەرلەمانتارە، هەندێک لەوانەی بانگهێشتکرابوون، ئەو مامەڵەیان قبووڵ بووە، بەڵام هەندێکی دیکە ڕەتیان کردەووەتەوە.