دانانی سیستمی بەرهەمهێنانی کارەبا لە وزەی خۆر لە زیادبووندایە

ئاڤا نیوز

لە ماوەی دوو مانگی ڕابردوو لە سنووری سلێمانی زیاتر لە 700 هاوبەشی کارەبا سیستمی وزەی خۆریان داناوە و بەرهەمهێنانی کارەبا لەڕێگەی وزەی خۆرەوە لە زیاد بووندایە.

وێنە گەورەکە: لە کابینەی نۆیەمی حکومەتی هەرێمی کوردستان کارەبای 24 کاتژمێری بۆ هاووڵاتیان دابینکراوە، هاوکات ئاسانکاری زۆر بۆ هاووڵاتیان کراوە تاوەکو لە سەرچاوەی جۆراوجۆرەوە کارەبا بەرهەم بهێنن، یەکێك لەو سەرچاوانە کە هاووڵاتیان کارەبای لێ بەدەست دەهێنن وزەی خۆرە.

ڕاگەیێنراوی فەرمی: بەڕێوەبەرایەتی گشتیی کارەبای سلێمانی ڕایگەیاند، بەپێی ئامارەكان ڕۆژ لە دوای ڕۆژ هاووڵاتییان زیاتر ڕوو لە دانانی سیستمی كارەبای وزەی خۆر دەكەن و لە ماوەی دوو مانگی ڕابردوودا زیاتر لە 700 هاوبەشی كارەبا سیستمی كارەبای وزەی خۆریان داناوە.

زانیاریی زیاتر: بەگوێرەی كۆتا ئامار تا بەرواری 30ـی ئەیلوولی 2025، ژمارەی ئەو هاوبەشانەی كارەبا كە سیستمەكەیان داناوە، گەیشتوەتە هەزار و 746 هاوبەش و بڕی بەرهه‌مهێنانی كارەبایان (26.244) مێگاوات بووە.

ئەوەی پێویستە بیزانیت: تا بەرواری 1ـی ئابی 2025، ژمارەی ئەو هاوبەشانەی كارەبا كە سیستمەكەیان دانابوو هەزار و 33 هاوبەش بوون، واتە لە ماوەی دوو مانگدا 713 هاوبەشی نوێ سستمی سۆلاریان لە سنووری سلێمانی داناوە.