یەكەم مرۆڤی تووشبوو بە ئاوڵەی مەیموون لە چین تۆمار دەكرێت

ئاڤا نیوز

جارێکی دیکە تووشبوون بە ئاوڵەی مەیموون لەجیهان سەر هەڵدەداتەوە، یەکەم تووشبوو بەڤایرۆسەکە لەچین تۆمار دەکرێت.

چیرۆکە سەرەکییەکە: پیاوێکی تەمەن 37 ساڵ، دوای ئەوەی لە باخچەیەکی هەرێمی هۆنگ کۆنگ لەلایەن چەند مەیموونێکەوە هێرشی کرایەسەر و دواتر تەندروستی تێکچوو، پشکنینی ڤایرۆسی B بۆ کرا و ئەنجامەکەی پۆزەتیڤ بوو، بەمەش بووە یەکەم تووشبووی ئاوڵەی مەیموون لە شارەکەدا.

بڵاوکراوەی فەرمی: ناوەندی پاراستنی تەندروستی هۆنگ کۆنگ داوا دەکات، هەر کەسێک بەهۆی مەیموونەکانەوە بریندار بووە، بەپەلە پشکنین بکات.

نیشانە و مەترسيیەکانی: ڤایرۆسی B کە سەرچاوەی تووشبوونە بەئاوڵەی مەیموون، لە ڕێگەی هێرشی مەیموونەکان و دەستدان لە دەم و لووت و چاویان بۆ مرۆڤ دەگوازرێتەوە، نیشانەکانی هاوشێوەی ئەنفلۆنزان، وەک تا، لەرز، ئازاری ماسولکەکان، ماندوێتی و سەرئێشە، و هیچ ڤاکسینێک نییە ڤایرۆسەکە لەناوبەرێت.

چارەسەرەکان: پزیشکان ئامۆژگاری پێویستی وەرگرتنی فریاگوزاری سەرەتایی دەکەن بۆ ئەو کەسانەی مەیموونێکی ماکاک هێرش دەکاتە سەریان، لەوانەش شۆردنی شوێنی برینەکە بە باشی ، پاشان وەرگرتنی چارەسەری پزیشکی.

باکگراوند: لە ساڵی 1932 ڤایرۆسەکە دۆزرایەوە، لەو کاتەوە تا ئیستا 50 تووشبوو تۆمارکراوە و 21 کەسیان گیانیان لەدەستداوە.