ئەمریکا لە هێرشی پێچەوانەی ئیسرائیل بۆ سەر ئێران بەشدار نابێت

ئاڤا نیوز

ئەمریکا بە ئیسرائیلی ڕاگەیاندووە بەشداریی لە هێرشی پێچەوانەی ئیسرائیل بۆ تۆڵەسەندنەوە لە ئێران ناکات.

وێنە گەورەکە: دوای ئەوەی ئێران لە تۆڵەی هێرشی ئیسرائیل بۆ سەر باڵیۆزخانەکەی لە دیمەشق هێرشێکی درۆنی و مووشەکی کردە سەر ئیسرائیل، ئیسرائیل هەڕەشەی وەڵامدانەوەی هێرشەکە دەکات. وڵاتانی جیهانیش داوای دانبەخۆداگرتن لە هەردوولا دەکەن.

ئەوەی پێویستە بیزانیت: مەترسیی تێوەگلانی ئەمریکا لە شەڕێکی نوێ لە ڕۆژهەڵاتی ناوەڕاست لەئارادایە؛ بەڵام ئەمریکا ڕایگەیاندووە خوازیاری ڕوودانی شەڕی وا نییە. ئێستا ئەمریکا ئەوەشی بە ئیسرائیل ڕاگەیاندووە کە لە هێرشی تۆڵەسەندنەوەی ئیسرائیلدا بەشدار نابێت. 

زانیاریی زیاتر: پێشتر بایدن لە پەیوەندییەکی تەلەفۆنیدا نەتانیاهۆی لە هێرشی پێچەوانەی خێرا لە دژی ئێران پەشیمان کردبووەوە.

لەلایەکی دیکەوە: هەریەکە لە ئانتۆنی بلینکن، وەزیری دەرەوە و لۆید ئاوستین، وەزیری بەرگریی ئەمریکا لەگەڵ هاوتاکانیان لە سعودیە، تورکیا، میسر و ئوردن گفتۆگۆیان کردووە و جەختیان لە گرنگی وەڵامدانەوەی دیلپۆماسییانەی هاوئاهەنگ و دوورکەوتنەوە لە گرژیی زیاتر کردووەتەوە.

ئەمەش بزانە: ئەمریکا بەردەوام دووپاتی دەکاتەوە لە پاڵپشتییەکانی بۆ بەرگریکردن لە ئیسرائیل بەردەوام دەبێت.