لە پارێزگاکانی عێراق هاوشێوەی هەرێمی کوردستان دەست بە چاپکردنی تابلۆی نوێی ئۆتۆمبێل دەکرێت

ئاڤا نیوز

 

وەزارەتی ناوخۆی عێراق لە ماوەی ئەو مانگەدا دەست بە چاپکردنی تابلۆی نوێی ئۆتۆمبێل بە زمانی ئینگلیزی دەکات.

 

بۆچی گرنگە؟ ماوەی دوو ساڵە لە شارەکانی هەرێمی کوردستان دەستکراوە بە گۆڕینی تابلۆی ئۆتۆمبێل بۆ شێوازی نوێ، بڕیارە لە شارەکانی عێراقیش دەست بەو پرۆسەیە بکرێت.

 

لێدوانی فەرمی: "قۆناغی یەکەمی چاپکردنی تابلۆی ئۆتۆمبێل لە پارێزگای بەغداوە دەستپێدەکات". عەمید زیاد محارب، بەڕێوەبەری راگەیاندن و پەیوەندییەکان لە بەڕێوەبەرایەتیی گشتی هاتووچۆی عێراق.

 

لەلایەکی دیکەوە: بەڕێوەبەرایەتیی گشتیی هاتووچۆی عێراق بیر لە کاراکردنی بڕیاری سزادانی ئەو کەسانە دەکاتەوە کە لەو شوێنەی شەقام دەپەڕنەوە کە تایبەت نییە بە پەڕینەوە.

 

باکگراوند: بەڕێوەبەرایەتیی هاتووچۆی هەولێر، وەکو یەکەم بەڕێوەبەرایەتیی هاتووچۆ لەسەر ئاستی هەرێمی کوردستان و عێراق دەستی بە کارکردن لە سیستەمی نوێى تابلۆى ئۆتۆمبێل کرد.