لە پارێزگای دهۆک نەخۆشی هێمۆفیلیا زیادی کردووە

ئاڤا نیوز

نەخۆشی هێمۆفیلیا لە پارێزگای دهۆک زیادی كردووە، لەکۆی 200 تووشبووی نەخۆشی خوێن لە سەنتەری ژین لە پارێزگاكە 131 کەسیان تووشبووی هیمۆفیلیان.

لێدوانی فەرمی: دکتۆر ئومێد عەدنان، بەرپرسی بەشی  تایبەتمەندییەکانی نەخۆشی خوێن لە تەندروستی دهۆک بە ئاڤا نیوزی گوت: نزیکەی چوار بۆ پێنج حاڵەتی نەخۆشییەکە ساڵانە تۆمار دەکرێت.

هۆکارە زانراوەکان: ئەم نەخۆشییە لە منداڵانی نێردا ڕێژەکەی بەرزترە، دوای خەتەنەکردنیان هەندێک جار دووچاری بەربوونی خوێن دەبن.

ئەوەی پێویستە بیزانیت:  ئەم نەخۆشییە دەبێتە هۆی بەربوونی خوێن و نەخۆش ناتوانێت کۆمەڵێک دەرمان بەکاربهێنێت.

باكگراوند: نەخۆشی هێمۆفیلیا بۆ ماوەییە، لە دایکەوە دەگوازرێتەوە بۆ منداڵەکانی، تا ئێستا ئەم نەخۆشییە چارەسەری بنبڕی بۆ نەدۆزراوەتەوە.