ئەنجوومەنی وەزیران: خوازیارین زووتر هەناردەی نەوت دەست پێبکاتەوە

ئاڤا نیوز  

ئەنجوومەنی وەزیرانی کوردستان ڕایدەگەیێنێت، حکومەتی هەرێم خوازیاری هەرچی زوو دەستپێکردنەوەی هەناردەی نەوتی هەرێمە وەک لەگەڵ حکومەتی فیدڕاڵی لەسەری ڕێکەوتبووین.

وێنە گەورەکە: دوای سەردانەکەی ڕەجەب تەیب ئەردۆغان بۆ هەرێمی کوردستان و عێراق، کۆمەڵەی پیشەسازییی نەوتی کوردستان (ئەپیکور)، هیوای هەناردەکردنەوەی نەوتی هەرێمی کوردستان لە ڕێگەی بۆڕییە نەوتییەکانی عێراق خواست. 

ڕاگەیێنراوی فەرمی: ئەنجوومەنی وەزیران ڕایگەیاند: سەبارەت بە بابەتی هەناردەکردنەوەی نەوت حکومەتی هەرێم خوازیاری هەرچی زوو دەستپێکردنەوەی هەناردەی نەوتی هەرێمە وەک لەگەڵ حکومەتی فیدڕاڵی لەسەری ڕێکەوتبووین، کە لە لایەن کۆمپانیای سۆمۆ نەوتی هەرێم بفرۆشرێت و داهاتەکەشی بچێتەوە ناو گەنجینەی گشتی فیدرڵ.

زانیاریی زیاتر:" لە بەرامبەر ئەم پابەندییانەش ئەنجوومەنی وەزیران داوا لە حکومەتی فیدراڵ دەکات هاوتای ناوچەکانی دیکەی عێراق، شایستە داراییەکانی هەرێمی کوردستان بنێرێت لە ناویشیاندا مووچەی مووچەخۆرانی هەرێم و تەرخانکراوەکانی دیکەی هەرێم لە بوودجەی بەکاربردن و بودجەی پڕۆژەکانی وەبەرهێنان و گەشەپێدانی پارێزگا و هەرێمەکان هاوتای ناوچەکانی دیکەی عێراق".