ئەسترازینکا بەرهەمهێنان و فرۆشتنی پێکوتەی کۆرۆنای ڕاگرت

ئاڤا نیوز

 

کۆمپانیای دەرمانسازیی ئەسترازینکای بەریتانی ڕایگەیاند، بەرهەمهێنان و فرۆشتنی پێکوتەی دژ بە پەتای کۆرۆنای لە سەرتاسەری جیهان ڕاگرتووە. 

 

ڕاگەیێنراوی فەرمی: ئەسترازینکا ڕایگەیاند، بڕیارەکەی "تەواو بازرگانی" بووە، چونکە بەرهەمی نوێ بۆ ڕووبەڕووبوونەوەی جۆرە نوێکانی کۆرۆنا درووست کراون و جێگەی ئەم پێکوتەیان لە بازاڕەکاندا گرتووەتەوە. 

 

ئەوەی پێویستە بیزانیت: مەزەندە دەکرێت ئەم پێکوتەیە گیانی ملیۆنان کەسی لە کاتی بڵاوبوونەوەی پەتای کۆرۆنا ڕزگار کردبێت، لەگەڵ ئەوەشدا نیگەرانی لە کاریگەرییە لاوەکییەکانی، وەک مەیینی خوێن، هەبوو. 

 

باکگراوند: پێکوتەی ئەسترازینکا یەکێک بوو لە یەکەمین پێکوتەکان کە لە دژی کۆرۆنا بەرهەم هێنرا و تا ئێستا زیاتر لە سێ ملیار ژەمی لە جیهاندا دابەش کراوە.