هێمن حسێن بەرهەمێکی نوێی بە ناوی "هەولێری پایتەخت" بڵاوکردەوە

ئاڤا نیوز

 

بە ئامادەبوونی پارێزگاری هەولێر، هونەرمەندی گۆرانیبێژ و میوزیکژەن، هێمن حسێن نوێترین بەرهەمی خۆی بە ناوی "هەولێری پایتەخت"بڵاوکردەوە.

 

وێنە گەورەکە: بە ئامادەبوونی ئومێد خۆشناو، پارێزگاری هەولێر، لەژێر ناونیشانی"ئێوارەیەک بۆ هونەر" لە ڕێورەسمێکدا، بەرهەم و كلیپ و گۆرانی "هەولێری پایتەخت" ی هونەرمەند و موزیکزان "هێمن حسێن"ی بڵاوکرایەوە.

 

لێدوانی فەرمی: هونەرمەند هێمن حسێن بە ئاڤا نیوز ڕاگەیاند: "هۆنراوەکەی دەرباز شێرزادە، ئاواز و میوزیکیشی هی خۆمە، ویستی خۆم بوو  بەرهەمێکی لەم شێوەیەدا بۆ هەولێر ئامادەبکەم، لەبەر ئەوەی من یادگاری زۆرم لەگەڵ ئەو شارەدا هەیە، دەرگای هونەری زۆری بۆ کردوومەتەوە، بۆیە ویستم گوزارشت لەم خۆشەویستی و یادگاریانەم بکەم لە ڕێگەی ئەم  کلیپەدا".

 

لەلایکی دیکەوە: لە گوتارێکیدا پارێزگاری هەولێر، دەستخۆشی لە هونەرمەند هێمن حسێن کرد و دووپاتیکردەوە کە هەولێر شاری هەموو ئەو کەسانەیە کە خێری هەولێریان دەوێ.