لیستێکی نوێی مووچە ڕادەگەیێنرێت

ئاڤا نیوز

حکومەتی عێراق 505 ملیار دیناری دیکە بۆ مووچەی مانگی پێنج دەخاتە سەر هەژماری هەرێمی کوردستان، ئەمڕۆ یان سبەش لیستێکی نوێی مووچە ڕادەگەیێنرێت.

وێنە گەورەکە: حکومەتی عێراق بۆ مووچەی مانگی پێنج ڕەزامەندی لەسەر خەرجکردنی 612 ملیار دینار داوە، لە ڕۆژانی ڕابردوودا بڕی 107 ملیار دینار گەیشت و ئەمڕۆ دەست بە دابەشکردنی مووچەی چەند توێژێک کرا.

 

زانیاریی بەدەستهاتوو: سەرچاوەیەک لە لقی بانکی ناوەندی بە ئاڤا نیوزی گوت: ئەمڕۆ یەکشەممە یاخود سبەی دووشەممە 505 ملیار دینارەکە دەخرێتە سەر هەژماری وەزارەتی دارایی و ئابووری هەرێمی کوردستان.

بۆچی گرنگە: بە گەیشتنی پارەکە ڕاستەوخۆ لیستی مووچەی سەرجەم مووچەخۆرانی مەدەنی ڕادەگەیێنرێت و پێش جەژن سەرجەمیان مووچە وەردەگرن.

 

لەلایەکی دیکەوە: هەولێر و بەغدا لەبارەی کێشەی مووچەی هێزە ئەمنی و سەربازییەکان گەیشتوونەتە ڕێککەوتن و چاوەڕوان دەکرێت پێش جەژن دەست بە دابەشکردنی مووچەی ئەوانیش بکرێت.