شاندەکەی ئێران کۆبوونەوەیەکی تایبەتی لەگەڵ یەکێتی دەبێت

ئاڤا نیوز

لە سەردانەکەیدا بۆ عێراق و هەرێمی کوردستان، شاندی ئێران بە سەرۆکایەتیی عەلی باقر کنی، سەرپەرشتیاری کاروباری وەزارەتی دەرەوەی ئێران، سەردانی سلێمانی دەکات و کۆبوونەوەیەکی تایبەتی لەگەڵ یەکێتی دەبێت.

وێنە گەورەکە: دوای سەردانەکەی بۆ بەغدا، ڕۆژی هەینی 14-6-2024  عەلی باقر کنی سەردانی هەولێر دەکات و سێ کۆبوونەوەی دەبێت، لەگەڵ هەریەک لە سەرۆک بارزانی، نێچیرڤان بارزانی و سەرۆکوەزیران بارزانی کۆدەبێتەوە، دواتر سەردانی سلێمانی دەکات. 
                    
زانیاریی تایبەت: عەلی باقر کنی لە سلێمانی بەتایبەت لەگەڵ بافڵ تاڵەبانی و قوباد تاڵەبانی کۆدەبێتەوە، کۆبوونەوەکانیش پەیوەندیدار دەبن بە پرسەکانی: سیاسی، سەربازی، ئەمنی و بازرگانی.

زانیاریی زیاتر:  ئێران پەیوەندییەکی بەهێزی لەگەڵ یەکێتی هەیە و جگە لە هەولێر کونسوڵخانەی لە سلێمانیش هەیە، وەک ئاڤا نیوز زانیویەتی  لە کۆبوونەوەکەدا عەلی باقر کنی قسەی ڕژد لەبارەی حیزبەکانی ڕۆژهەڵاتی کوردستان دەکات.

لەلایەکی دیکەوە: بەپێی زانیارییەکانی ئاڤا نیوز، لەبارەی  پێشوازیکردن و بەرنامەی سەردانەکە، ئەمڕۆ چوارشەممە مەکتەبی سیاسیی یەکێتی کۆبوونەوەیەکی تایبەت دەکات.