ماوەی قەدەغەكردنی ڕاوەماسی کۆتایی دێت

ئاڤا نیوز 

 

بەپێی ئەو ماوەیەی وەزارەتی کشتوکاڵ و سەرچاوەکانی ئاو دیاری کردووە، سبەی دوایین ڕۆژی قەدەغەی ڕاوەماسییە لەمساڵدا و ڕاوچییەکان دەستیان بە ئامادەکاری کردووە.

 

وێنە گەورەکە: ئەمساڵ لە سەرەتای مانگی ئادار تاوەکو 15-06-2024 وەک ماوەی قەدەغەکردنی ڕاوەماسی لە تەواوی ناوچەکانی هەرێمی کوردستان دیاری کرابوو، بەڵام دواتر ماوەکە بۆ پێنج ڕۆژی زیاتر درێژ کرایەوە.

 

لێدوانی فەرمی: بێستوون بەکر، بەڕێوەبەری سامانی ماسی بە ئاڤا نیوزی ڕاگەیاند: سبەی پێنجشەممە 20-06-2024، دوایین ڕۆژی قەدەغەی ڕاوەماسییە لە هەرێمی کوردستان و ڕۆژی دواتر ڕاوکردن لە دەریاچە و زێ و ئاوی ڕووبار و چەمەکان ئاسایی دەبێتەوە.

 

زانیاریی زیاتر: ماوەی قەدەغەکردنی ڕاوەماسی لەمە زیاتر درێژ ناکرێتەوە. 

 

گۆشەیەکی دیکەی دیمەنەکە: لە بەنداوی مووسڵ تاوەکو 01-07-2024، ڕاوەماسی قەدەغەیە و هۆکارەکەشی بۆ ئەوە دەگەڕێنرێتەوە کە هاوکاتی بەشی دیکەی ئاوی بەنداوەکە بێت کە لەژێر دەسەڵاتی حکومەتی عێراقدایە.