لە پارێزگای دهۆک 15 کەس بەهۆی ڕاوەماسی دەستگیرکراون

ئاڤا نیوز

 

لەماوەی قەدەغەکردنی ڕاوەماسیدا، لە سنووری پارێزگای دهۆک بەهۆی ڕاوی نەیاسایی 15 کەس دەستگیرکراون.

 

وێنە گەورەکە: لە سەرەتای مانگی ئاداری ئەمساڵ تاوەکو 20-06-2024 وەک ماوەی قەدەغەکردنی ڕاوەماسی لە تەواوی ناوچەکانی هەرێمی کوردستان دیاری کراوە.

 

لێدوانی فەرمی: ڕەمەزان سیاری، بەرپرسی تیمە گەڕۆکەکانی هێزی پێشمەرگەی ژینگەی دهۆک بە ئاڤا نیوزی ڕاگەیاند: وێڕای ئەوەی بڕیاری قەدەغەکردنی ڕاوەماسی هەبووە، بەڵام بەشێک لە خەڵکی پابەند نەبوون و لەو ماوەیەدا 15 کەس دەستگیرکراون کە بە نایاسایی ماسییان ڕاوکردووە.

 

زانیاریی زیاتر: ئەو کەسانە بە کارەبا و دەرمان و تەقەمەنی ماسییان ڕاوکردووە، دەستبەسەر دەیان کەرستەی ڕاوکردنیشیاندا گیراوە، ڕێکاری یاساییش بەرامبەر بە تۆمەتباران گیراوەتەبەر.

 

ئەمەش بزانە: ئەمڕۆ 20-06-2024، کۆتا ڕۆژی قەدەغەی ڕاوەماسییە لە هەرێمی کوردستان و لە سبەی هەینییەوە ڕاو ئاسایی دەبێتەوە.