پەرلەمانتارێک لە هێرشی چەکداری ڕزگاری بوو

ئاڤا نیوز

لە بەغدای پایتەختی عێراق، هێرشی چەکداری کرایە سەر پەرلەمانتارێکی فراکسیۆنی (ئیشراقەت کانون)، بەڵام پەرلەمانتارەکە لە هێرشەکە ڕزگاری بوو.

ڕاگەیێنراوی فەرمی:  فراکسیۆنی ( ئیشراقه‌ت کانون ) بڵاوی کرده‌وه‌: ژمارەیەک چەکداری نەناسراو لە ناوچەی دۆله‌عی شاری به‌غدا، دەستڕێژی گولـلەیان لە ماڵی ته‌قێ ناسر وائیلی کردووە، کە ئەندامی فراکسیۆنەکەمانە لە پەرلەمانی عێراق.

زانیاریی زیاتر: هێرشەکە هیچ زیانێکی گیانی لینه‌که‌وتووەتەوه‌، ته‌نیا زیانی ماددی بە خانوو و ئۆتۆمبێلەکانی وائیلی گەیاندووە.

ئەوەی پێویستە بیزانیت: "ئیشراقه‌ت کانون" فراکسیۆنێکی سەربەخۆیە له‌په‌رله‌مانی عێراق و خاوه‌ن حه‌وت ئه‌ندامه‌، نوێنەرایەتی پارێزگاکانی بەغدا، کەربەلا، بابل و قادسیە دەکەن.

وێنەی پەرلەمانتارەکە