نووسەرانی عێراق سه‌ركۆنه‌ی هێرشکردنە سەر یانە کۆمەڵایەتییەکەیان دەکەن

ئاڤا نیوز

 

یەکێتیی نووسەرانی عێراق داوا لەو هێزە ئەمنییە دەکات کە بەبێ فەرمانی دادگە هەڵیانکوتاوەتەسەر یانەی یەکێتییەکە، داوای لێبووردن بكات.

 

وێنە گەورەکە: شەوی چوارشەممە سێی تەممووزی 2024، هێزێکی ئەمنی هەڵیکوتایە سەر یانەی کۆمەڵایەتیی یەکێتیی نووسەرانی عێراق و بۆ ماوەی زیاتر لە کاتژمێرێک سه‌رجه‌م کەسایەتییەکانی ناو یانه‌كه‌یان دەستبەسەر کرد.

 

ئه‌وه‌ی ئێستا ڕووده‌دات: یەکێتیی نووسەرانی عێراق به‌پێویستیزانی حكومه‌ت ڕێنمایی وەزارەتی ناوخۆ بکات کە هێزە ئه‌منییه‌كانیان هه‌ڵنه‌كوتنه‌سه‌ر هیچ یانەیه‌كی کۆمەڵایەتی دیكه‌ کە بە یاسا ڕێکخراون.

 

زانیاریی زیاتر: یانەی نووسەرانی عێراق ده‌كه‌وێته‌ شەقامی سەرەکیی گۆڕەپانی ئەندەلوسه‌وه‌ لە ناوه‌ڕاستی بەغدا، لە ساڵی 1959ـەوە دامەزراوە، شه‌وانه‌ به‌شێكی زۆری نووسه‌ران و میوانه‌كانیان له‌وێ كۆده‌بنه‌وه‌.