
شوێنی دروستکردنی پۆندەکە
ئاڤا نیوز
پارێزگاری هەولێر ڕایگەیاند، لە چوارچێوەی پلانەکانى کابینەی نۆیەمى حکومەتى هەرێمى کوردستان بۆ پاراستنی سامانى ئاو، لە بنەسڵاوە گهورهترین پۆند له سەر ئاستى ههرێمی كوردستان دروست دەکرێت.
وێنە گەورەکە: لە هەرێمی کوردستان 21 بەنداو و زیاتر لە 120 پۆند بۆ گلدانەوەی ئاو هەن، حکومەتی هەرێمی کوردستان ستراتیژیەتی زیادکردنی ئەو ژمارەیەیە بە مەبەستی سوودی کشتوکاڵی ڕێگریکردن لە قەیرانی ئاو و ڕووبەڕووبوونەوەی وشکەساڵی.
ڕاگەیێنراوی فەرمی: ئومێد خۆشناو، پارێزگاری هەولێر دەڵێت، بە گوژمەی نزیکەی چوار ملیار دینار، "پۆندی بنەسڵاوە" کە گەورەترین پۆندە لەسەر ئاستی ھەرێمی کوردستان، بە سەرپەرشتى بەڕێوەبەرایەتیی ئاودێریی هەولێر دروست دەکرێت.
لەلایەکی دیکەوە: د. کاروان سەباح هەورامی، بەڕێوەبەریی گشتیی سەرچاوەکانی ئاو لە وەزارەتی کشتوکاڵ بە ئاڤا نیوزی گوت: ئێستا کارەکانی پۆندەکە دەستیان پێکردووە، ئامانج لێی کۆنترۆڵی مەترسییەکانی لافاو، سوودوەرگرتنە لە بابەتی ئاودێری، کشتوکاڵ، ئاوەدانی و گەشتیارییە.
زانیاریی زیاتر: درێژی پۆندەکە 360 مەترە و توانای کۆکردنەوەی سێ ملیۆن مەتر سێ جا ئاوی باران و کانیاوەکانی ھەیە، بەرزی پۆندەکە 17 مەترە و ماوەی تەواوکردنی پرۆژەکەش یەک ساڵە.
ئەوەی پێویستە بیزانیت: لە ماوەی کابینەی نۆیەمدا بڕیاری دروستکردنی 41 پۆند بە بەهای نزیکەی 27 ملیار دینار لە ناوچە جیاوازەکانی هەرێمی کوردستان دراوە و بە چەند قۆناغێک لە جێبەجێکردندان.
زیاتر لەسەر ئەم بابەتانە بکۆڵەرەوە
دوایین هەواڵەکان
- کوردستان
- 2 خولەک لەمەوپێش
زیاتر لە 42 دۆنم زەویی ژنێک لە زاخۆ دەستی بەسەردا دەگیرێت
- ڕۆژهەڵاتی ناوەڕاست
- 20 خولەک لەمەوپێش
ئەحمەد داودئۆغلو داوا دەکات غەززە بە تورکیاوە بلکێنرێت
- کوردستان
- 1 کاتژمێر لەمەوپێش
لە سلێمانی 184 کیلۆ کۆشتی هندی لەناودەبرێت
هەڵبژاردەکان بۆ تۆ
- ژینگە
- 8 کاتژمێر لەمەوپێش
چوار وێستگەی پێوانەکردنی کوالێتی هەوا لە هەولێر دادەنرێن
- ژینگە
- 11 کاتژمێر لەمەوپێش
بڕیارێکی نوێ لە وەزارەتی ناوخۆ بۆ شۆفێران