قایمقامیەتی سلێمانی: نابێت ئاوی دەبە لە سەرووی 30 پلەی سیلیزی هەڵبگیرێت

ئاڤا نیوز  

قایمقامیەتی سلێمانی، ڕایدەگەیێنێت بە چڕی چاودێریی کارگەکانی ئاوی دەبە دەکەن تاوەکو دەگاتە مارێکتەکان و دواتریش بە دەستی هاونیشتمانیان.

وێنە گەورەکە: لە بەشێک لە قایمقامیەتەکان لیژنەی چاودێریی کارگە و کۆگاکان هەیە و یەکێک لە کارەکانیان چاودێریکردنی کۆگاکانی هەڵگرتنی ئاوی دەبەیە و لیژنەکە ڕێگە نادات تیشکی خۆر بەر دەبەکان بکەوێت و لە شوێنی گەرم هەڵبگیرێن.

لێدوانی فەرمی: سەلار عەزیز، سەرۆکی لیژنەی کارگە و کۆگاکانی ئاو لە لیژنە هاوبەشەکانی قایمقامیەتی سلێمانی ڕایگەیاند: لیژنەکەمان چاودێریی بەرهەمهێنانی ئاوی دەبە دەکات هەتا دەگات بە دەستی هاونیشتمانیان، رێگە نادەین بە شێوەی ناتەندروست و شوێنی پلەی گەرمیی بەرز هەڵبگیرێت یان بگوازرێتەوە.

ئەوەی پێویستە بیزانیت: دەبێت ئەو شوێنەی دەبەی ئاوی لێ هەڵدەگیرێت پلەی گەرمییەکەی لە 30 پلەی سیلیزی زیاتر نەبێت.

ئەمەش بزانە: قایمقامییەتەکان ڕێنماییان بە مارکێتەکان داوە کە جگە لە وەرزی هاوین لە سێ وەرزەکەی دیکەش نەهێڵن تیشکی خۆر بەر دەبەی ئاو بکەوێت، ئەمەش بەهۆی کاریگەرییە مەترسیدارەکانی کارلێکی گەرمی و ماددە پلاستیکەکە و ئاو.